емханалық төсегі 3d модель

Науқасты Симс қалпына жатқызу (ішіне және қырына жату қалпының аралығы) Науқасты жатқызу екі мейірбикемен орындалады. Мақсаты: – Төсекте жайлы қалып жасау – Ойылудың алдын алу Қолдану көрсетілімдері: – Төсектегі енжар (әлсіз) және еріксіз қалыптағы науқастар Қажетті құралдар: – 3 жастық – Валик – Аяққа арналған тіреу (құмы бар қап) – Функционалды немесе жай кереует Іс-әрекет алгоритмі: Науқасқа процедураның мақсаты мен барысын түсіндіріп, келісімін алыңыз. Қажетті қорғаныш киімдерін киіңіз. Қолды гигиеналық деңгейде өңдеп, қолғап киіңіз. Науқастың жағдайын бағалаңыз және оның қозғала алу мүмкіндігін анықтаңыз. Кереуеттің тежегішін (тормозын) бекітіңіз. Мейірбике тұрған жақтағы кереуеттің бүйір қоршауын (поручень) түсіріңіз (егер болса). Кереуеттің бас жағын көлденең қалыпқа келтіріңіз. Науқасты арқасымен жатқызып, кереуеттің шетіне жылжытыңыз. Науқасты қырымен және жартылай ішіне (Симс қалпына) ауыстырыңыз. Науқастың басының астына жастық қойыңыз (мойынның қисаюын болдырмау үшін).