کوا 3d ماڈل

ایک دن کی بات ہے۔ بہت گرمی کا موسم تھا۔ سورج آسمان پر تیز چمک رہا تھا۔ ہر طرف دھوپ ہی دھوپ تھی۔ ایک کوا بہت دیر سے اُڑ رہا تھا۔ وہ بہت پیاسا تھا۔ کوا اِدھر اُدھر پانی تلاش کرتا رہا مگر کہیں بھی پانی نظر نہ آیا۔ وہ بہت تھک گیا تھا۔ جب وہ ہمت ہارنے ہی والا تھا تو اسے ایک گھر کے آنگن میں ایک گھڑا دکھائی دیا۔ کوا خوشی سے اُس گھڑے کے پاس اُترا۔ اُس نے جھانک کر دیکھا تو گھڑے کے اندر تھوڑا سا پانی تھا، لیکن پانی نیچے تھا، کوا اپنی چونچ وہاں تک نہیں پہنچا سکتا تھا۔ کوا بہت چالاک تھا۔ اُس نے ایک ترکیب سوچی۔ وہ اُڑا اور آس پاس سے کچھ چھوٹے چھوٹے کنکر (پتھر) چُن کر لایا۔ اُس نے ایک ایک کر کے وہ کنکر گھڑے میں ڈالنے شروع کیے۔ کچھ دیر بعد کیا ہوا؟ گھڑے میں پانی اوپر آ گیا۔ کوا خوش ہو گیا۔ اُس نے مزے سے پانی پیا، اپنی پیاس بجھائی اور خوشی خوشی اُڑ گیا۔