لپ ٹاپ پر مرد 3d ماڈل

تحصیل دوسلی: 2026 میں بھی موبائل نیٹ ورک سے محروم — یہ خاموش ظلم کب تک؟ یہ انتہائی افسوس اور شرم کا مقام ہے کہ سال 2026 میں بھی تحصیل دوسلی کے عوام موبائل نیٹ ورک جیسی بنیادی سہولت سے محروم ہیں۔ نہ موبائل کال ممکن ہے، نہ انٹرنیٹ دستیاب، اور نہ ہی کسی ایمرجنسی کی صورت میں بروقت رابطہ ہو سکتا ہے۔ یہ صرف ایک تکنیکی مسئلہ نہیں بلکہ عوام کی زندگی، سلامتی اور مستقبل سے جڑا سنگین مسئلہ ہے۔ سوال یہ نہیں کہ موبائل کمپنیاں ناکام کیوں ہیں، اصل سوال یہ ہے کہ: ہمارے منتخب نمائندے کہاں ہیں؟ وہ MPA اور MNA جو الیکشن کے دنوں میں وعدوں کے انبار لگاتے ہیں، آج تحصیل دوسلی کے نام پر خاموش کیوں ہیں؟ PTA، USF اور موبائل کمپنیوں کی ذمہ داریاں اپنی جگہ، لیکن عوامی حقوق کا تحفظ کرنا منتخب نمائندوں کا بنیادی فرض ہے۔ اگر دوسلی کے عوام کو نیٹ ورک نہیں ملتا تو کیا ہم پاکستانی نہیں؟ کیا ہمارے مسائل، مسائل نہیں؟ تحصیل دوسلی کے عوام یہ واضح مطالبہ کرتے ہیں کہ فوری طور پر موبائل نیٹ ورک کی سہولت فراہم کی جائے اور اس مسئلے کو محض فائلوں اور بیانات تک محدود نہ رکھا جائے۔ اب خاموشی نہیں، اب سوال ہے، اور جواب دینا ہوگا۔